Comp-tech
OpenBlockS 600 me PowerPC-CPU dhe Linux të instaluar më parë, është një server me dimensione shumë të vogla, për kohën: 8 x 13 x 3 cm madhësi dhe 240 Gram peshë. OpenBlockS 600 është modeli më i ri si embedded Linux-Server, për industri dhe privat. Procesori i tij është 600 MHz PowerPC-CPU (AMCC PowerPC 405EX), 1 GByte RAM dhe 128 MByte Flash-ROM.
Sipas studimeve të fundit, Windows Mobile ka vetëm 10 % pjesëmarrje në tregun e Smartphone. Tash edhe Samsung dëshiron që telefonat e kësaj kompanie të kenë sistemin operativ
GNU Linux. Si një ndër kompanitë më të mëdha të telefonave mobil, për nga renditja ishte ndër të fundit që mori këtë hap për kalim prej sistemit operativ WindowsCE në sistemin operativ GNU Linux.
Në këtë shkrim do të paraqes emulimin - imitimin e sistemeve të ndryshme operative, në makinat virtuale. Para se të paraqes disa pamje të emulimit të sistemit operativ Linux, në Windows dhe anasjelltas, një përshkrim i shkurtër i makinave virtuale. Makina Virtuale (MV), është një kompjuter virtual. Një makinë e tillë nuk përbëhet nga hardueri, por nga softueri. Në një kompjuter fizik - këto të përditshmit që i kemi ne, mund të emulohen disa makina virtuale.
Windows 7 Home Premium mund të porositet në internet, nga 15 korriku për 50 Euro. Sipas Microsoft, ai do të dalë në Germany më 22 tetor. Për të mos patur probleme juridike me EU, Microsoft ka vendosur që Internet explorer të mos jetë i integruar në sistem, por të jetë në një CD tjetër.
Prej nesër PC-të me Windows do të kenë mundësinë për aktualizim nga Windows Vista në Windows 7 Home Premium.
Vetëm dy ditë pasi zhvilluesit e Firefox-it kishin lëshuar kandidatin e parë të Firefox 3.5, ata lëshojnë menjëherë edhe Firefox 3.5 RC2. Ky version nuk ka diçka të re nga versioni paraprak, por ka më pak gabime pasi që ato janë eleminuar dhe është më stabil. Versioni stabil i shfletuesit të njohur Firefox në versionin 3.5 pritet të dalë këtë muaj. Risi në këtë version është se Mozilla Firefox 3.5, do ti hapë dy herë më shpejtë webfaqet se sa Firefox 3. Kjo mundësohet nga Gecko-Rendering Engine 1.9.1 si dhe nga JavaScript-Engine TraceMonkey, e cila është përmirësuar dukshëm. Poashtu si risi është edhe Private Browsing Mode.Është ky i aktivizuar, Firefox memoron webfaqen si dhe formularet apo fjalëkalimet e aktivizuara.
Për të gjithë ata të cilët telefonojnë shumë - një lajm i cili do ti gëzoj me siguri. Vetëm pas disa viteve pritet të dalë Telefoni mobil, i cili mbushet vetë; pra pa pasur nevojë sikur sot të mbushet nga rrjeti elektrik. Pikërisht është NOKIA e cila po punon në këtë drejtim; rrezatimi nga radio transmetuesit që ndodhen në ambientin ku jetojmë, do të shndërrohej në rrymë dhe kështu do të furnizohej Telefoni mobil.
