GNU Linux

Simplix Linux është një shpërndarje e re e Linux-it, e cila 100% përbëhet prej Debian GNU/Linux. Është një shpërndarje ndërmjet atyre që janë të mëdha (Knoppix, Ubuntu, Suse etj.) dhe atyre më të vogla (Damn Small Linux, Puppy Linux etj.). Kjo shpërndarje për dallim nga tjerat që zakonisht kanë GNOME ose KDE për desktop; përmban JWM-Desktop, që është shumë më i 'lehtë' për nga pesha sa i përket programeve. Simplix Linux, bazohet në versionin stabil të Debian-it.

Një mini - nëndetëse (Mini-U-Boot) e kontrolluar nga sistemi operativ GNU/Linux, respektivisht nga shpërndarja e njohur e tij Debian, ka fituar një konkurs ndërkombëtar të organizuar nga "Association for Unmanned Vehicle Systems International" (AUVSI). Ekipi i ashtuquajtur 'Cornell Autonomous Underwater Vehicle Team' (CUAUV), i përbërë nga 35 student kanë arritur këtë sukses me nëndetësen e tyre të quajtur NOVA. Në këtë garë - AUVSI, e cila organizohet për të 12 herë duhet që nëndetëset pa ndërhyrjen e njerëzve (pra në mënyrë automatike), ti kalojnë disa pengesa të cilat janë krijuar nga organizatorët e këtyre garave. Ekipi i Cornell, ishte i vetmi nga 30 ekipet pjesëmarrësit i cili arriti që ti kaloj të gjitha këto pengesa. Kjo ishte arritur për herë të fundit në vitin 2002.